Guava juice:പേരയ്ക്കാ ജ്യൂസ് കേമന് ജ്യൂസാണ്, കാരണം ഈ ഗുണങ്ങൾ.......
guava juice: പേരയ്ക്കാ ജ്യൂസ് ആരോഗ്യത്തിന് മികച്ചതാണ്. ജ്യൂസുകളില് തന്നെ മികച്ചത്. കാരണം അറിയാം പൊതുവേ ആരോഗ്യ ഗുണങ്ങളാല് മികച്...
https://nilgirifoundation.blogspot.com/2022/09/guava-juice.html
guava juice: പേരയ്ക്കാ ജ്യൂസ് ആരോഗ്യത്തിന് മികച്ചതാണ്. ജ്യൂസുകളില് തന്നെ മികച്ചത്. കാരണം അറിയാം
പൊതുവേ ആരോഗ്യ ഗുണങ്ങളാല് മികച്ചതാണ് ജ്യൂസുകള്. ഫ്രഷ് ജ്യൂസ് എന്ന് എടുത്തു പറയണം. മധുരം ചേര്ക്കാതെ അടിയ്ക്കുന്നതിനാണ് ഗുണം ലഭിയ്ക്കൂവെന്നതും പ്രധാനം. ജ്യൂസുകളില് തന്നെ പഴങ്ങള് കൊണ്ടുണ്ടാക്കുന്ന ജ്യൂസിന് താല്പര്യമേറും. സ്വാദ് തന്നെയാണ് കാരണം. നാം പൊതുവേ ജ്യൂസിനോടുള്ള ഇഷ്ടം ചോദിച്ചാല് പൈനാപ്പിള്, മുന്തിരി, ഓറഞ്ച്, ആപ്പിള്, തണ്ണിമത്തന് എന്നിങ്ങനെ പറയുമെങ്കിലും പേരയ്ക്കാ ജ്യൂസ് വാങ്ങിക്കുടിയ്ക്കുന്നവര് ചുരുങ്ങും. എന്നാല് ജ്യൂസുകളുടെ കൂട്ടത്തില് തന്നെ കേമമാണ് പേരയ്ക്കാ ജ്യൂസ് എന്നത്. പേരയ്ക്ക എന്ന ഫലം നല്കുന്ന ഗുണം തന്നെയാണ് ജ്യൂസും മികച്ചതാക്കുന്നത്. പേരയ്ക്കാ ജ്യൂസ് നല്കുന്ന ആരോഗ്യ ഗുണങ്ങളെക്കുറിച്ചറിയൂ.
തടി കുറയ്ക്കാന് മികച്ചതാണ് പേരയ്ക്കാ ജ്യൂസ്. കലോറി കുറവുള്ള പേരയ്ക്ക പോഷക ഗുണങ്ങൾ കൊണ്ട് സമ്പന്നമാണ്. അതിനാൽ, വിറ്റാമിനുകളും ധാതുക്കളും പോലുള്ള അവശ്യ പോഷകങ്ങൾ ലഭിക്കാൻ, കലോറി ഉപഭോഗം വർദ്ധിക്കുമെന്ന പേടിയില്ലാതെ ദിവസവും ഈ ജ്യൂസ് കുടിക്കാം. പേരയ്ക്കയിലെ വൈറ്റമിന് സിയും കുറഞ്ഞ കലോറിയുമെല്ലാം തന്നെ തടി കുറയ്ക്കാന് മികച്ച ഒന്നാണ്.
ബ്രെയിന് ആരോഗ്യത്തിന് മികച്ചതാണ് ഇത്. പേരയ്ക്കയിൽ ഫോളിക് ആസിഡ് അല്ലെങ്കിൽ വിറ്റാമിൻ ബി -9 അടങ്ങിയിരിക്കുന്നു. ഇത് കുഞ്ഞിന്റെ നാഡീവ്യൂഹം വികസിപ്പിക്കാൻ സഹായിക്കും എന്നതിനാൽ ഗർഭിണികൾക്ക് ശുപാർശ ചെയ്യുന്നു. മഗ്നീഷ്യം അടങ്ങിയ പേരക്ക ജ്യൂസ് സമ്മർദ്ദവും പിരിമുറുക്കവും ഉത്കണ്ഠയും അസ്വസ്ഥതയും കുറയ്ക്കുന്നതിനും വളരെയധികം സഹായിക്കുന്നു.
ചര്മ സൗന്ദര്യത്തിന് ഉത്തമമാണ് പേരയ്ക്കാ ജ്യൂസ്. ഈ ജ്യൂസിൽ അടങ്ങിയിരിക്കുന്ന ആൻറി ബാക്ടീരിയൽ ഗുണങ്ങൾ മുഖത്തെ മുഖക്കുരുവും ചുളിവുകളും കുറയ്ക്കാൻ സഹായിക്കുന്നു. വിറ്റാമിൻ എ, വിറ്റാമിൻ സി, കരോട്ടിൻ, ലൈക്കോപീൻ തുടങ്ങിയ ആന്റിഓക്സിഡന്റുകൾ ധാരാളം പേരയ്ക്കയിൽ അടങ്ങിയിട്ടുണ്ട്. ഈ വസ്തുക്കൾ ചർമ്മത്തിന്റെ ഇലാസ്തികത നിലനിർത്തുകയും ചെയ്യുന്നു. പേരയ്ക്ക ജ്യൂസ് ചർമ്മത്തെ പോഷിപ്പിക്കുകയും ആരോഗ്യകരവും തിളക്കമാർന്നതുമായി നിലനിർത്തുകയും ചെയ്യുന്നു.
ശരീരത്തിന് പ്രതിരോധ ശേഷി നല്കുന്നതിന് മികച്ചതാണ് പേരയ്ക്കാ ജ്യൂസ്. ഇതില് ഓറഞ്ചില് ഉള്ളതിനേക്കാള് കൂടുതല് വൈറ്റമിന് സി ഇതിലുണ്ട്. വിറ്റാമിൻ സി രോഗപ്രതിരോധ ശേഷി ശക്തിപ്പെടുത്തുന്നതിനും രോഗങ്ങളെ അകറ്റി നിർത്തുന്നതിനും സഹായിക്കുന്നു. വിറ്റാമിൻ സി, പൊട്ടാസ്യം തുടങ്ങിയ പോഷകങ്ങളാൽ സമ്പുഷ്ടമായ പേരയ്ക്കാ ജ്യൂസ് ശരീരത്തിലെ അണുബാധകളെ ചെറുക്കാൻ സഹായിക്കുകയും പ്രതിരോധശേഷി വർദ്ധിപ്പിക്കുകയും ചെയ്യുന്നു.
